‘ವಿನಯ್ ಸ್ವೀಟ್ ವ್ಯಕ್ತಿ, ಸಂಗೀತಾ ಬಹಳ ಒಳ್ಳೆಯವರು’ ಬಿಗ್​ಬಾಸ್ ಮನೆಯಲ್ಲಿ ಏನಾಗುತ್ತಿದೆ?

Bigg Boss Kannada: ಬಿಗ್​ಬಾಸ್ ಕನ್ನಡ ಮನೆಯ ಬದ್ಧ ವೈರಿಗಳಾದ ಸಂಗೀತಾ ಹಾಗೂ ವಿನಯ್ ಪರಸ್ಪರರ ಬಗ್ಗೆ ಬಹಳ ಒಳ್ಳೆಯ ಮಾತುಗಳನ್ನು ಆಡಿದ್ದಾರೆ. ಇದಕ್ಕೆ ಕಾರಣವೇನು?

ಬಿಗ್​ಬಾಸ್ (BiggBoss) ಮನೆಯ ಬದ್ಧ ವೈರಿಗಳೆಂದರೆ ವಿನಯ್ ಮತ್ತು ಸಂಗೀತಾ. ಶೋ ಪ್ರಾರಂಭವಾದ ಮೊದಲ ವಾರದಿಂದಲೂ ಈ ಇಬ್ಬರ ನಡುವೆ ವೈರತ್ವ ನಡೆಯುತ್ತಲೇ ಬಂದಿದೆ. ಇಷ್ಟು ತೀಕ್ಷ್ಣವಾದ ದ್ವೇಷ, ವೈರತ್ವ ಬಿಗ್​ಬಾಸ್ ಇತಿಹಾಸದಲ್ಲಿಯೇ ಇರಲಿಲ್ಲವೇನೋ. ಇಬ್ಬರೂ ಸಹ ನಾವು ವೈರಿಗಳು ಎಂಬುದನ್ನು ನೇರವಾಗಿ ಘೋಷಿಸಿದ್ದು, ಪ್ರತಿದಿನವೂ ಒಂದಲ್ಲ ಒಂದು ಕಾರಣಕ್ಕೆ ಮನೆಯಲ್ಲಿ ಕಿತ್ತಾಡುತ್ತಲೆ ಇರುತ್ತಾರೆ. ಆದರೆ ಭಾನುವಾರದ ಎಪಿಸೋಡ್​ನಲ್ಲಿ ಒಂದು ಅದ್ಭುತ ನಡೆದಂತಿದೆ. ಇಬ್ಬರೂ ಸಹ ಪರಸ್ಪರರನ್ನು ಹೊಗಳಿದ್ದಾರೆ ಮಾತ್ರವಲ್ಲದೆ, ಪರಸ್ಪರ ಆಲಿಂಗಿಸಿಕೊಂಡಿದ್ದಾರೆ.